Saturday, 4 June 2022

Meta Facebook id ka password bhul gaye ! to ab kya kare ?

Dosto Internet upyog karne ke liye hume bahut sare account banane hote hai aur har account ka password bhi hota hai. Bahut sare account hone ke baad hum password bhulne lag jate hai to ese me agar aap password bhul jaye to aapko usko recover karna bhi aana chahiye. Aaj hum Meta Facebook ka password bhul jane par usko recover kaise karna hai iske bare me baat karne wale hai. Bahut sare log hai jinhone apna facebook account kuch samay pahle hi banaya hoga aur account banate samay kya password dala tha wah yaad nahi hoga to ese me apna password fir se pane ke liye unhe naya paasword banana hoga.
Meta Facebook password bhul gaye hai
To ese log jinhe abhi tak yah nahi pata hai ki facebook password bhul jane par kya karna hai to ab unko bhi chinta karne ki jarurat nahi hai kyoki aaj hum unki yah pareshani dur kar denge. Kuch log ese bhi hai jo apna facebook password bhul jane ke baad dusro se apna new password create karwate hai aur isse hota yah hai ki dusre vyakti ko bhi facebook password ka pata rahta hai aur wah bhi aapki facebook id khol sakta hai. Ab aapko esa kabhi na karna pade iske liye aapko khud apna Facebook password change karna aana chahiye. Hum aapko ek ek step clearly batane wale hai taki aap aasani se facebook password bhul jane par naye password bana sake.

Meta Facebook password bhul jane par new password kaise banaye

Dekhiye Facebook Password bhul jane par usko recover karne ke bahut sare tarike hote hai hum aapko sabse aasan tarika batane wale hai jisme hum facebook app ka upyog karke facebook account/id ka password change karne wale hai. Dosto agar aapke mobile me facebook app nahi hai to pahle Facebook app ko play store se download kare uske baad niche bataye hue steps ko follow kare.
1. Facebook app ko open kare aur agar aapke paas pahle se facebook app tha aur usme aapki id log in thi to usko log out kare. Isse aapke samne Facebook Login page khul jayega jo niche dikhaye image ki tarah dikhega.
Forget Password facebook
2. Yaha par jaisa ki login page me forget password ka option dikh raha hai to iske upar click kare kyoki yahi se hum bhule hue facebook password recover karne wale hai.
3. Aage aapko mobile me login jitne bhi email hai wah dikhaye jayenge aap not now par click kare isse ab ek box aayega jaha par aapko wah number dalna hai jo facebook par aapne dale hai aur number dalne ke baad Find your account par click kare.
enter phone number
4. Ab Send code via sms ka option chune fir continue par click kare isse hamare number par ek otp aata hai.
Send code
5. Jab otp aata hai to hume sms me jakar otp copy karna hai aur is page oar dalna hai uske baad fir se continue par click karna hai.
enter the otp
6. Finally hume Create new password dalne ke liye bola jata hai to ab aap apna koi achcha sa password bana kar daal sakte hai Password dalne ke baad aap continue par click kare.
 
create new password
Ab aapko apne facebook account par redirect kar diya jata hai iska matlab hai ki aapka facebook password recover ho jata hai. Yah ek aasan tarika hota hai jiski madad se facebook password bhul jane par recover kiye jate hai aap bhi ise jarur try kare.
Iske alawa bhi aap facebook password ko computer ki madad se badal sakte hai aur mobile browser me bhi facebook id ka password bhul jane par change kar sakte hai ese bahut sare tarike hai jiski madad se facebook password recover kiye ja sakte hai lekin jo tarika humne aapko bataya hai wah sabse aasan tarika hai apne facebook password ko change karne ka aur aapko dusre mathod janne me bhi interest hai to hum comment me bataye taki hum aapko facebook account ke password change karne ke dusre tarike bhi bata sake.

Facebook account safe rakhne ke liye tips

Facebook Password to hum recover kar chuke hai lekin aapko agar apna facebook account safe rakhna hai to sirf password badlne se kaam nahi chalega aapko kuch bate yaad rakhna hogi jaise ki aap kisi aur se apna facebook password change nahi karwa sakte hai aur apne mobile number par aane wala otp kabhi kisi ko mat dena aur hamesha facebook password ko strong rakhna yani ki jab aap apna new password banaye to usme apna number ya naam password ki tarah use mat karna balki ek esa paasword banana jiske bare me koi soch bhi na sake isse aapka facebook account hamesha ke liye surakshit rahega.

Conclusion

Dosto aaj humne sikh liya hai ki facebook par password kaise badlte hai isliye ab agar koi bhi facebook password bhul jaye to is post ko padh kar apne liye new password bana sakta hai. Humne puri koshish ki hai ki aapko is ek post me sab kuch achche se samajh aa sake lekin iske baad bhi aapko koi pareshani hoti hai to aap hume direct message kar sakte hai hum aapko facebook se related sabhi problem thik karne me aapki madad karenge. Ab hamara kaam khatam hota hai ab aapki bari hai ki aap hamari is post ko apne dosto ke sath jyada se jyada share kare taki humari website bhi aur adhik logo tak pahuch sake. Aapko hamari post achchi lagti hai aur aap ese hi facebook se related post padhna pasand karte hai to jaldi se hamari website ko subscribe kare isse hum aapke paas hamare latest update ka notification email ki madad se pahucha denge aur aapko new post ki jankari sabse pahle mil jayegi. Facebook Password Bhul jane par recover karne ki yah post ab hum yahi khatam karte hai aur hum jaldi ek new ke sath aayenge.

No comments:

Post a Comment