Subscribe Youtube Channel
Type Here to Get Search Results !

Mobile ka password Bhul gaye hai to kya kare

0
Sponsored Searches for you
Jab hum naya phone lete hai tab hum usme password ya fir pattern log bhi lagate hai taki koi bhi hamare mobile jo personal data hai usko dekh na paye lekin bahut baar kya hota hai ki jab hum koi new pattern ya password lock apne phone me lagate hai to hum usko bhul jate hai ki humne kya password dala tha esa bahut sare log ke sath ho chuka hai aur Password bhul jana to ab normal baat ho chuki hai. Dosto Lekin aaj hum is problem ka ek bahut hi achcha solution lekar aapke samne aaye hai agar aapko bhi yahi samasya hoti hai to aap khud bhi ise thik kar payenge aapko bas is post me bataye hue steps ko achche se follow karna hota hai aur aapka kaam ho jata hai.
Mobile ka password Bhul gaye hai to kya kare
Jab bhi hum apne mobile ka password bhul jate hai to hum chale jate hai sidhe kisi shop par aur shop wala to hame lutne ke liye betha hota hai wah is chote se kaam ke liye hamse 200 se 250 rupye tak le leta hai jo ki is kaam ke liye bahut jyada kimat hai. Hum logo ko majboori me usko fir itna paisa dena padta hai. Ab is problem se bachne ka ek hi tarika hai ki aap khud apne mobile ka password khole kyoki isko karne me aapko bas 5 minute lagne wale hai. Ji ha dosto aap kisi bhi tarah ka lock password ho ya pattern aasani se khol sakte hai. Mobile Password bhul jane par kaise khole iske bare me to jaan lenge par usse pahle yah jaan lijiye ki agar aap password kholenge to aapke phone me kya naya aapko dekhne ko milega.

Mobile ka Password kholne se pahle yah jane

Dosto aapko yah janna jaruri hai ki agar aap apne mobile ka password bhul jate hai aur uske baad aap password ko kholte hai to aapke mobile ka sara data delete ho jata hai Sirf wahi data bachega jo aapke memory card me hoga par aapke mobile me jitne bhi apps hai wah aur phone storage ka data bhi delete ho jata hai. Hum usko restore nahi kar sakte hai aur ab agar aap password bhul chuke hai aur aapko mobile kholna hai to itni to kurbani to dena hi padegi. Ab agar aapko isse koi dikkat nahi hai to hamne niche password todne ka tarika bataya hai jo aapke mobile ko kholne me aapki madad karega. Chaliye ab hum jyada samay nahi lenge aapka aur iski proccess dekh kar jaan lete hai ki Locked mobile ko unlock kaise karna hai.

Mobile ka password bhul gaye hai ab kya kare

Sabse pahle yah jaan lijiye ki yah tarika android mobile ke liye kaam karta hai dusre phone me yah trick kaam nahi karegi isliye agar aapka android mobile hai to ab aap niche bataye hue steps ko follow kare.

1. Sabse pahle aap Apna mobile switch off kare aur apne mobile Memory card ko nikal lijiye. Memory nikalne ke baad ab aapko apne phone me kuch button ek sath dabane hote hai jo is tarah se hai.
Volume Up + Volum Down + Power Button
Agar aapke mobile me alag se home button bhi hai fir aap usko bhi dabaye.

2. Jab aap yah sab button ek sath dabate hai to aapka mobile chalu hota hai aur Aapke mobile me recovery mode khul jata hai.
Note -: ek baat ka dhyan rakhe ki recovery mode me touch kaam nahi karta hai isliye agar aapko niche aana hai to volum down ka button dabaye aur upar aana hai to volum up ka button dabaye aur ese hi agar koi option select karna hai to Power button dabaye.
Aap niche image me dekh sakte hai ki recovery mode kaisa dikhta hai.
Wipe data factory reset
3. Yaha aap dekh sakte hai is image me aapko kuch options dekhne ko milte hai. Aapko volum down button press karke Wipe data / factory Reset ke option par jana hai aur Power button daba kar usko chunna hai. Abhi aapko bahut sare No ke option dikhenge par usme se ek yes ka option hota hai to aap volum down se Yes ke option par jakar Power button se isko select kare.
Delete all user data
4. Kuch minute baad aap fir se pahle page par pahuch jate hai Ab yaha par aapko Rebot System Now ka option dekhne ko milega simply power button se isko select kare.
Rebot system now
Ab aapka phone chalu hoga jaise hi phone start hota hai to aap dekhenge ki phone se password hat gaya hai ab aapke phone me koi bhi password nahi hai Yani phone unlock ho chuka hai. Ab aap wapas se apne phone me memory card laga kar usko chala sakte hai.
Dosto yahi wo tarika hai jisse aap apne mobile ko badi aasani unlock kar sakte hai. Aap ek baar ise jarur try kare agar aap apna password bhul gaye hai to aapka kaam ho jayega. Ab agar aap yahi chij dukan par karwate hai to aapko kam se kam 200 rupya to dena hi padega dukan wale ko aur wah bhi yahi sab kuch karega isliye behtar yahi hai ki aap apne phone ko khud unlock kare isse aapke paise bhi bach jayenge aur mobile bhi unlock ho jayega. Aap hume comment karke bataye ki aapko yah jankari kaisi lagi aur agar koi step samjh nahi aata hai ya fir aapko mobile unlock karne me pareshani hoti hai ya apne mobile ka password bhul gaye hai to kya karna hai iske bare me kuch samjh nahi aata hai to comment me bata sakte hai. Hum aapki help kar denge. Ese hi mazedaar tricks wali post hum aapke liye roj lekar aate rahte hai agar aapko hamare article achche lagte hai to jaldi se hamari website ko subscribe kare taki aapko new post ki jankari hum sabse pahle bhej sake.

Post a Comment

0 Comments