Thursday, 22 August 2019

Web Browser kya hota hai || Web Browser ki puri jankari

Internet ka upyog to hum sab karte hai aur is samay hamare sabhi sawal ka jawab hume internet par dekhne ko mil jata hai. Ab Internet chalane ke liye usko Access karne ke liye bhi hume ek tool ki jarurat padhti hai aur is tool ko hum Web Browser ke naam se jante hai. Browser ki madad se hum internet chala pate hai.
web browser in hindi
Agar web browser nahi hota to hum internet nahi chala pate. Web browser internet access karne me hamari madad karta hai aur iske alawa aapko koi bhi file, picture, video, document jaisi chije apne paas browser ki madad se save karke rakh sakte hai. Web browser me aapko bookmark ka bhi option dekhne ko mil jata hai jiska upyog karke hum kisi bhi web page ko save karke rakh sakte hai kahne ka matlab hai ki agar internet par agar koi esa web page hai jaha aapke liye jaruri information hai to aap us page bookmark karke rakh sakte hai isse aap kabhi bhi wah page aasani se access kar sakenge aapko usko dhundhne ki jarurat nahi padegi. Chaliye ab hum thoda detail me Web Browser ko samjh lete hai aur isko thoda achche se define kar lete hai.

Web Browser kya hai - Web browser in hindi

Web browser ek tarah se programing ka ek samuh ya group hota hai Ya hum kah sakte hai ki Web browser ek esa Application hai jo apne user ko Internet access karne ki permission deta hai. Web browser me web ka matlab Internet se hota hai aur browser ka matlab kisi chij ko khojna ya fir search karna hota hai. Aapko agar kisi website par uplabdh data ko apne paas store karna hai to is kaam ke liye bhi aapko browser ki jarurat padhti hai Aaj agar dekha jaye to market me bahut sare browsers uplabdh hai. Hum aapko browser itihaas batate hai.

Web Browser ka vikas

Aaj ke samay me bahut sare web browser uplabdh hai jinka upyog hum internet chalane ke liye kar sakte hai duniya ka pahla browser worldwildweb tha jisko Tim Berners lee ne banaya tha. Fir 1990 me netscape Navigator aaya jisne Internet ka upyog bahut aasan bana diya tha aur bahut sare new features se introduce karaya tha. Iske baad 1995 me Internet Explorer ka vikas hua aur isne netscape ko dhire dhire replace karna shuru kar aur 1999 me Internet Explorer ne navigator ko puri tarah piche kar diya. Baad me mozilla, Chrome, Safari aur Google Chrome browser aaye aur aaj bhi in browsers ka upyog kiya ja raha hai yah sabhi browser hume new features se introduce karate rahte hai aur in browsers me hume fast internet ki suvidha bhi mil jati hai.

Web Browsers ke prakar

Agar hum aaj ke samay ki baat kare to aaj lagbhag 50 ke karib Browser uplabdh hai Hum aapko kuch achche browsers ke bare me bata rahe hai.

Google Chrome Browser

Yah browser google ne banaya tha aur aaj ke samay me mobile aur computer me iska bahut jyada upyog kiya jata hai. Yah browser har samay kuch new updates lekar aata rehta hai.

UC Browser

Yah ek chinese browser hai jo pc aur mobile me dono me dekhne ko milta hai. Computer me iska upyog bahut kam kiya jata hai par mobile me upyog kiya jata hai lekin ab isko india me ban kar diya gaya hai. Ab iska upyog kam hone laga hai.

Mozilla Firefox

Mozilla firefox bhi hume laptop aur mobile dono me dekhne ko mil jata hai par mobile me iska jyada upyog nahi hota hai. Lekin Computer me iska upyog bahut jyada dekhne ko milta hai.

Konqueror

Yah ek esa browser hai windows pc me iska upyog nahi hota hai par linux pc me iska bahut upyog kiya jata hai.

Safari

Yah Apple ka browser hai jo ki ek bhadiya browser hai par abhi ke time par iska jyada upyog nahi kiya jata hai aur apple ke laptop me aapko iska upyog dekhne ko mil jata hai.

Internet Explorer

Internet Explorer ki shuruat 1995 me hua tha aur iska bahut upyog kiya gaya tha ek zamane me lekin ab iska upyog kam hone laga hai.
In browsers me bhi bahut sare naye browser market me aaye hai jo aaj kal bahut upyog ho rahe hai unke bare me hum aapko aane wale samay me batayenge. Chaliye ab hum aapko batate hai ki ek browser kaise kaam karta hai.

Web Browser kaise kaam karta hai

Internet par jitna bhi data hota wah formate document me hota hai yani ki koi bhi vyakti usko aasani se samajh sakta hai. Isi wajah se web browser ka upyog kiya jata hai jiski madad se jitna bhi uplabdh data fir wo audio, video ya fir text ho usko aasani se samjha ja sake. Internet par uplabdh data ko access karne ke liye jin rules ko hume follow karna hota hai usko protocol kahte hai. Maan lete hai ki hume koi language sikhna hai to uske kuch rules hote hai thik usi tarah se internet par uplabdh data padhne aur samajhne ke liye jin rules ko hume follow karna hota hai unhe http (hyper text transfer protocol) kahte hai.
Aaj hamne browser se sambandhit bahut sari chijo ke bare me jana aur web browser ke prakar inke kaam karne ka tarika sab kuch jaan liya hai. Ab agar koi bhi vyakti aapko web browser ki jankari puchta hai to aap usko browser ke bare me bahut kuch bata sakte hai. Hum ummid karte hai ki aapko yah jankari achchi lagi hogi aap comment karke hume bataye ki aapko hamara post kaise laga hai. Ese post roj padhne ke liye hamari website ko subscribe kare.

No comments:

Post a Comment