Wednesday, 17 July 2019

OTP nahi aa raha hai to kya kare

Hi Mamulog, Swagat hai aapka hamari website par. Aaj hum aapke liye ek problem joki opt se related hai uska solution lekar aaye hai jo bahut sare logo ko aati hai. Aap agar online aur internet ki duniya se waakif hai to aap otp ke bare me bhi jante honge. Pahle to hum yah samajh lete hai ki ye otp kya hota hai kyoki aapko iski jankari hona jaruri hai. OTP ke bare me janne ke baad hum yah jaanenge ki agar otp nahi aa raha hai to iske liye hum kya kar sakte hai.
otp nahi aa raha hai to kya kare

OTP kya hota hai

OTP ka pura matlab one time password hota hai yani ki ek esa password jo sirf ek baar upyog me laya ja sakta hai. OTP ek tarah ka security code hai. OTP 4 ya 6 number ka ho sakta hai. Iska kaam hota hai aapke document ya phone number ka verification karna. OTP online message ke jariye aur offline letter ki madad se bhi aa sakta hai. Aadhar card me number verify karne ke ke liye ya kisi bhi social media account par mobile number ke verification ke liye OTP ka upyog kiya jata hai. Chaliye otp ki itni jankari bahut hai. Ab hum jante hai ki agar otp nahi aa raha hai to kya kare aur iske piche kya kaaran hote hai aur unhe kaise thik kar sakte hai.

OTP nahi aa raha hai ab kya kare

OTP nahi aane ke piche bahut sare kaaran hote hai par yah samasya sabse jyada tab hame dekhne ko milti hai jab hum apne aadhar card me apna number link ya update karwate hai to otp nahi aata hai. To yaha OTP nahi aane ke piche niche hamne jo wajah batai hai usme se ek ho sakti hai.

1. Website Down hona

Aapke mobile par otp nahi aa raha hai to website ka down hona sabse main kaaran hota hai. Agar hum kahi par apna phone number dalte hai to us website ko ek hi samay par ek sath bahut sare users ke dwara chalane se website down ho jati hai aur yahi wajah hoti hai ki otp nahi aata hai. Ese me aapko intezaar karna hote hai jab site fir se achche se kaam karne lagti hai to otp aa jata hai.

2. Message box full hona

Agar aapka message box full ho chuka hai yani ki usme bahut sare message aa chuke hai aur naye message aane ke liye space nahi hai to ese me bhi otp ka message nahi aata hai iske liye aapko apne inbox se messages ko delete karna hoga taki naye message ke liye jagah ho sake. Yah bhi ek reason hota hai otp nahi aane ka to jab bhi ab kabhi aapke phone me otp nahi aa raha hai to aap yah jarur dekhe ki aapke phone me message aane ke liye jagah ho.

3. Sim Network change kare

Dekhiye aaj kal sab 4g internet use karte hai par kai baar 4g network par otp nahi aa pata hai to iske liye aap agar otp nahi aata hai to network ko 2g ya 3g par set kare isse aapke phone me otp ka message aa jayega. OTP nahi aane ke piche yah bhi kaaran ho sakta hai isliye aap ise jarur try kare.

4. Sim active nahi hona

Aap jab bhi kahi par apna number de rahe hai fir aap apna nunber kisi social media accounts me add kar rahe hai ya fir kisi document banane me upyog kar rahe hai to ek baat dhyan rakhe ki aap apni chalu sim ka number dale aur wahi number de jo aapke paas ho agar aap koi esa number use kar rahe hai jo aapke paas nahi hai ya fir band hai to aapke paas otp nahi aane wala hai.

5. Aadhar Card ke liye otp nahi aa raha hai

Ab Agar aap apna adhar card update karwa rahe hai aur aapke paas otp nahi aata hai to iske liye bhi kuch kaaran ho sakte hai. Aap jo number de rahe hai wah aapke adhar card se link hona chahiye agar aapke number link nahi hai to aapko ise aadhar card center par jakar link karwana hoga kyoki ab aap ise online link nahi kar sakte hai. Jis website se aadhar card ko update kiya jata hai wah down hoti rahti hai. Usliye otp aane me deri ho jati hai ese me aapko kuch der rukna padta hai fir otp aa jata hai.
So yahi kuch wajah hoti hai jiski wajah se otp aane me problems hoti hai. Ab agar otp nahi aa raha hai to aap hamare bataye hue tips ki madad se is problme ko solve kar sakte hai. Ab agar aapko hamara yah post achcha laga hai to aap hamari website ke bare me apne dosto ko jarur bataye. Hum aapke liye aage bhi esi hi jankari lekar aate rahenge.

No comments:

Post a Comment