youtube par video dekhe

Wednesday, 15 May 2019

Ganna Parchi Calender Online kaise dekhe in hindi?

Agar aap ganna ki kheti karte hai to aapko ganna parchi ke bare me to pata hi hoga aur aaj hum is vishay par baat karne wale hai. Dosto aaj hum apne kisaan bhaiyo ke liye ek post lekar aaye hai yah post un logo ke liye faydemand hone wali hai jo Ganna ki kheti karte hai. Aaj hum UP ke ganna kisaan ke liye yah post likh rahe hai jisme hum aapko batane wale hai ki apni ganna parchi kaise dekhe ? Hum aapko iske bare me puri jankari dekar achche se samjhane wale hai. Chaliye sabse pahle hum ganna parchi ko samajh lete hai.
ganna parchi kaise dekhe

Ganna Parchi kya hai

Dekhiye sabse jyada ganna bharat me UP me dekhne ko milta hai waha par sabse jyada ganne ki kheti hoti hai. to ese me ganna bahut matra me waha milta hai jiska vyapar karna kisaan ke liye to mushkil hota hai to yah kaam sarkar ne kuch factory ko diya hai jo kisaan se ganna leti hai aur pure desh me iska vyapar karti hai. Kisaan ko in sab ki jankari yani ki kisaan kis factory ko kitna ganna deta hai wah kitne ka hai yani ki kahne ka matlab hai ki ganna sambndhi sari jankari ganna parchi calender me dekhi jati hai.

Ganna Parchi kaise dekhe in hindi

Ganna parchi dekhne ke liye hamare paas 2 option hote hai ek to aap website par jaakar dekhe aur wahi dusra hai aap app ki madad se apni ganna parchi dekhe. Sarkar ne ganna kisaan ke liye ek website kisaan.net aur iska app dono banaye hai. Agar aap kisaan.net ke bare me kuch nahi jante hai to aap niche diye link par click kare aur is post ko padhe isme hamne kisaan.net ke bare me sab kuch bataya hai sath me iske app ke ke bare me bhi bataya hai.
Ab ganna parchi dekhne ke liye aapko jyada kuch nahi karna hota hai hum aapko ise dekhne ke 2 tarike bata rahe hai jisme hum website aur app dono se aapko ganna parchi dekhne ke bare me batayenge. To sabse pahle to hum website ki madad se ise kaise dekhe yah jaan lete hai.

Kisaan.net Website par ganna parchi kaise dekhe

1. Iske liye sabse pahle to aap apne mobile me ko browser khole aur uski madad se kisaan.net is website par chale jaye kyoki yahi par hame ganna parchi dikhegi. Ab jaise hi aap is website ko kholte hai aapse captcha code ke bare me pucha jayega to aap ise sahi se dekh kar bhare. Aap niche is image me dekh sakte hai ki kaise hamne captcha code bhara hai.
ganna parchi Captcha code
2. Abhi aapke samne ek aur page load hoga jisme aapko kai sare opion mil jate hai isme sabse last me ek option Login naam ka hoga aapko isi option ko select karna hoga. Agar aap yah website dusri baar upyog karte hai to isi page par aapko factory change karne ka option milta hai.
click login
3. Jab aap log in ke option par click karte hai to aapko iske do option diye jate hai. jisme ek to adhikari log in aur dusra kisaan log in hota hai aapko dusre option yani ki kisaan login par click karna hai.
kisaan login
4. Abhi aapko ek form diya jata hai jise hame bharna hota hai uske baad hi hum ganna parchi dekh sakte hai. Is form me aapko bs apni aur apne ganna se sambandhit kuch jankari bharna hai. Aap is image dekh sakte hai ki yah frm kaisa hoga aur isme kaise jankari bharna hai chaliye ab wo hum aapko bata dete hai.
Ganna Parchi details
  1. Factoy ka naam sabse pahle aata hai. Aga aap pahli baar kisaan.net kholte hai to aapko isi form me factory select karne ka option mil jata hai aur agar aap ise dusri baar upyog kar rahe hai to aapko pahle page jaha aapne login ka option select kiya tha wahaa par aapko change factory ka option milta hai aapko waha se apni factory change karna hoti hai.
  2. Satra me aapko wah saal chunna hai jis saal ki aapko ganna parchi dekhna hai. Agar aapko 2018 ki ganna parchi dekhna hai to aap 2018-2019 ke satra par tick kare.
  3. Ab aapko samiti chunna hai jo bhi aapki samiti hai aap koi aur samiti nahi chun sakte hai.
  4. Abhi aapko kray chunne ke liye bola ja raha hai to jo bhi kray ho aap usko chune.
  5. Yaha par aapko apna gaav chunna hoga to aapjis bhi gaav me rahte hai wah gaav chun lijiye.
  6. Isme aapko un sabhi ganna kisaan ke naam dikh jate hai jo us gaav me rahte hai. Ab aapko is sabhi me apna naam dhuundh kar usko chunna hai.
  7. Ab aapko agle 2 vikalp khali rahne dena hai isme aapko kuch nahi bharna hai.
  8. Ab aapko fir se captcha code bharna hota hai to jo bhi captcha code aapko dikhe aap usko bhare.
  9. Last me Ganna sambandhi suchna prapt kare button par click kare. Ab kuch der tak loading hogi isme 1 usse jyada minute ka samay lag jata hai uske baad aapko ganaa parchi dikhai jati hai.

Kisaan.net app par ganna parchi kaise dekhe

Sarkaar ne iska ek application bhi banaya hai jiski madad se bhi aap ganna parchi dekh sakte hai. Yah bilkul website par ganna parchi dekhne jaisa hota hai. Hum aapko yaha par iske app ka link de rahe hai aap ise download karke aasani se ganna parchi dekh sakte hai.

Downlod

App download karne ke baad aapko gannaparchi dekhne ke liye wahi sab kuch karna hai website ke liye hamne bataya tha iske baad aap apni ganna ki parchi ko app se bhi dekh sakte hai.
Ab jise bhi abhi tak apni ganna parchi dekhna nahi aati thi wah ab badi hi aasani se online ganna parchi calender dekh sakte hai hamne aapko app aur website dono ki madad se ganna ki parchi dekhne ke bare me bataya hai. Ab agar aapko fir bhi kuch janna hai ya fir kuch samajh nahi aaya hai to comment karke hamse puche. Agar aapko yah post upyogi laga hai to aap ise un logo ke sath share kare jinhe abhi tak ganna parchi dekhna nahi aata hai. Ese hi post padhne ke liye abhi hamari website subscribe kare.

No comments:

Post a Comment