Subscribe Youtube Channel
Type Here to Get Search Results !

CNC machine kya hai || CNC Machine ki puri jankari

0
Sponsored Searches for you
Technology ka vikas itni teji se ho raha hai ki jiski kalpna karna bhi bahut mushkil hai. Hume roj kuch naya dekhne ko milta hi rahta hai. Ab esi machine banai jane lagi hai jinki madad se hamara kaam bahut aasani se ho jata hai. Esi hi ek machine hai CNC Machine jika upyog aaj kal bahut jyada dekhne ko mil raha hai. CNC machine ek esi machine hai jo machines ke Purje (Parts) banati hai iske bare me hamare liye bahut kuch janne layak hai. Isliye hum yah post likh rahe taki aapko puri detail se CNC machine ke bare jankari de sake. To chaliye dosto hum sabse pahle yah chij samajh lete hai ki cnc machine kya hoti hai aur iska pura naam kya hai.

CNC ka full form

Is machine ka pura naam (Full Form) Computer Numerical Control hota hai. Yani ki yah ek esi machine hoti hai jo computer ki madad se control hoti hai. Iski sabse achchi baat yah hai ki yah machine lagataar kaam karne me saksham hai aap is machine ka upyog pura din kar sakte hai.

CNC Machine kya hai

CNC ka matlab Computer Numerical Control hota hai aur yah ek esi machine hai jo computerized numerical ki madad se niyantrit (control) ki jati hai. Security ke mamle me yah dusri machino se jyada behtar hai Yahi kaaran hai ki aaj kal Market me iski demand bhi bahut jyada hai.
cnc machine kya hai
Isme jude hue tools embed hone wale software ka upyog karke automatically machine ke tools ko control karne ka tarika is machine ki madad se lagatar kaam kiya ja sakta hai. Isse samay aur paisa do bachta hai aur iska upyog dusri machine ke metal aur plastic ke parts banane ya manufacture karne me hota hai. CNC machine ke bare me yah mana jata hai ki is machine ka nirman Kharaad ki machine ko dekh kar kiya gaya hai hum esa bhi kah sakte hai ki cnc machine kharaad ki machine ka updated version hai. Kharaad ki machine ko bhi operator ke dwara manually operate kiya jata tha jabki cnc machine ke sabhi exis Automatically kaam karte hai. CNC machine ke bare me to jaan liye ab jante hai ki yah machine kaam kaise karti hai.

CNC machine ke kaam karne ki process

CNC machine ke kaam karne ka tarika aur ise chalana itna mushkil bji nahi hai par ise chalane ke liye aapko iski programing ke bare me pata hona jaruri hai. CNC machine me garag hum kuch bhi manufacture karna chahte hai to iske liye hume ek custom computer program diya jata hai aur yah program machine se jude ek micro computer jise machine control unit (MCU) kahte hai iska upyog karke store aur execute G-Code naam ki ek standard language me likha jata hai. CNC Machine me Router, Miles, Grinders, lathes aur laser jaise tools hame dekhne ko milte hai aur inka sanchaalan cnc ke sath automatic kiya ja sakta hai. Is machine ki madad se non-machine tools jisme - Filament-vailding, vailding electronics asembali machined ko bhi control karne me kiya jata hai.

Type of cnc machine

CNC Machine ke type is machine me hame kuch alag - alag prakar dekhne ko milte hai aur har machine ka apna ek alag kaam hota hai. Chaliye hum aapko kuch alag prakar batate hai.

1. T.M. (Turno Mile)

2. V.M.C. (Vertical Machining Center)

3. V.T.L. (Vertical Machining Lathe)

4. H.L.C. (Horizontal Machining Center)

Yah kuch cnc machines ke prakar hai. Har machine apne tarike se kaam karti hai. Sabke kaam karne ka tarika alag hota hai. Hume kisi machine me image move karti hui dikhti hai to kisi machine me tools move karte hue dikhte hai. In machine me spare parts ko machine par rakh kar inhe set karna hota hai uske baad in par work kiya jata hai.

CNC Machine ke axis offset

CNC machine me hame X se Z ye do Axis dekhne ko milte hai. (X, Z) + aur - dono me kaam karte hai X axis piece ke dia ko control karne me use hota hai. Iske alawa wahi z axis ko thikness control karne me upyog kiya jata hai. Thikness se matlab hota hai ki parts kitna mota aur kitna patla karna hota hai. CNC machine me 3 offset - Geometry, work shift, Wear hote hai. geometry me koi limit nahi hoti hai par wear me iske liye limit hoti hai. Iske offset ke bare me aur adhik janne ke liye aap comment me hame bataye taki hum alag se iske liye ek post likhe.

CNC machine ke Advantage

CNC Machinw ki dimand roj badhti hi ja rahi hai kyoki iske hame bahut sare fayde hai aur isi kaaran aaj iski bahut maang bhi hai. Is machine ke kya labh hai iske bare me niche bataya hai.

1. Isme sabse achchi baat yah hai ki hum ek sath kai sari machines ko upyog aur maintain kar sakte hai. In machines ko bas ek baar program karne ki jarurat hoti hai uske baad yah sara kaam khatam kar deti hai.

2. CNC isliye bhi bahut achchi hai kyoki, isse hum lagatar kaam karwa sakte hai yah machine bina ruke kaam kar sakti hai is machine ko ko band karne ki jarurat tab hi padhti hai jab machine me koi problem ho jati hai to usko thik karne ke liye ise band karna hota hai.

3. CNC machine ko chalane ke liye upyog me aane wale software aur program me sudhaar karke in machines ko update kiya ja sakta hai.

4. is machine se banaye jane wale dusri machino ke baag bahut achche aur majboot hote hai yani ki isse panne wale purje high quality ke hote hai. Isliye isse bane machino ke parts jyada samay tak chalte hai aur unhe lambe samay tak upyog me liya ja sakta hai.

CNC machine ke Disadvantage

Jaise ki koi bhi chij perfect nahi hoti hai har kisi me kuch na kuch to kami ho hai vaise hi cnc machine ke bhi kuch disadvantage hai. Chaliye ab is machine ki kamiyo ke bare me bhi jaan lete hai.

1. CNC machine automatically chalti hai par yah manually operated chalne wali machines se mahngi hoti hai par ab iski kimat me girawat dekhne ko mil rahi hai.

2. Is machine ko chalane ke liye hume engineer hire karne padte hai aur wah log mahnge hote hai.

3. Jab hume apni machine ko maintain karna hota hai ya iska management dekhna hota hai to iski laagat jyada aati hai.

4. Jab hum is machine ka upyog karte hai to hume majduro ki bahut kam jarurat hoti hai to ese me yah machine majduro ka rojgaar chin kar unke liye berojgari ka kaaran ban jati hai kyoki yah machine puri tarah se automatic hoti hai to kaam karne ke liye logo ki jarurat nahi hoti hai.

C N C Machine ki kimat

CNC Machine ki kimat ka pata hona bhi vaise bahut jaruri hai isliye agar aap cnc machine kharid rahe hai to aapko bata dete hai ki CNC machine market me alag - alag kimat par uplabdh hai. Yah machine 2 lakh se shuru hoti hai aur inki kimat 30 lakh ya usse bhi adhik ho sakti hai.Aap apne budget aur kaam ki jarurat ke hisaab se machine ko kharid sakte hai. Agar aap normal kaam ke liye cnc le rahe hai to aap choti machine le sakte hai aur jaise hi aap kimat badhate jayenge machine me aapko utne hi adhik features milte rahenge.

CNC Machine Kaha se kharide

Iska upyog bharat me bhi lagatar badhta ja raha hai isliye abhi is machine ki bahut demand hai iska kaaran yah hai ki is machine ki production bhi dusri machine ki tulna me jyada hoti hai. India me bhi bahut sari company hai jo CNC machine sell karti hai. Agar aap India me is machine ko online kharidna chahte hai to aap isko Indiamart naam ki website se kharid sakte hai nahi to aap, offline bhi pata karke apni jarurat ke hisab se is machine ko buy kar sakte hai.
CNC machine ke jaisi kai aur machines hai jo ab market me aa chuki hai Jinki jankari hum aane wale samay me aapko dete rahenge. Isliye aao hamare Blog ko abhi subscribe kar lijiye taki aapse koi bhi post miss nahi ho. Chaliye dosto aaj ki post hum yahi khatam karte hai hum ese post aapke liye roj lekar aate rahenge. Tab tak aap hamare sath bane rahiye.
Tags

Post a Comment

0 Comments