Subscribe Youtube Channel
Type Here to Get Search Results !

ATM Machine se paise nikale :: ATM use karne ki puri jankari

2
Sponsored Searches for you
Technology viksit ho rahi hai aur hame samay ke sath aage chalne ki jarurat hai. Ese me agar hum ATM machine ki hi baat kare to ese bahut sare log hai jinhe abhi tak atm machine ka upyog karna nahi aata hai. Isliye bahut sare log hai jo atm machine ka upyog kaise karte hai iske bare me sikhna chahte hai. Aaj hum aapko atm machine chalane ke bare me puri jankari dene wale hai. Yakin maniye is post ko padhne ke baad aap aasani se kisi bhi atm se paise nikal sakte hai. Iske alawa aapko ATM ke bare me puri jankari is post me padhne ko mil jayegi to chaliye sabse pahle hum ATM Machine kya hoti hai iske bare me sikh Jaan lete hai.

ATM kya hai iske bare me jane

ATM se paise kaise nikale
ATM ek esi machine hai jo ki bank account se judi hoti hai. Is machine ka upyog karke aap kahi se bhi apne bank account se paise nikal sakte hai. ATM ka pura naam Swachalit Ganak Machine (Automated Taller Machine) hota hai. ATM machine me data terminal hota hai aur isi machine ke andar kuch output device jaise ki monitor aur keyboard hote hai. ATM machine bhi 2 tarah ki hoti hai Ek to hoti hai Button wali aur dusri hoti hai Touch Screen wali Agar aapko kisi atm machine me button nahi dikhe to samjh jana ki touch screen hai aur esi machine me aapko option chunne ke liye screen par options ke upar apni ungli touch karna hoti hai. Vaise ab esi bhi machine hai jisme touch screen aur button dono hote hai. Chaliye abhi atm machine ko to samajh liya ab hum iske kuch parts ke bare me jaan lete hai taaki hamara knowledge improve ho sake.

ATM Machine ke Important Parts

Vaise to atm me hume bahut sare parts dekhne ko milte hai jinke bare me hame pata hona chahiye. Humne niche ek image banaya hai jisme aapko atm machine ke sabhi parts dikh rahe honge. Isme hume lagbhag 4 chije dekhne ko mil rahi to hum inke bare me jaan lete hai.
ATM ke parts
Button -: Yah hai atm machine ke button jinka upyog hum kisi bhi option ko select karne ke liye kar sakte hai. Agar aap machine me koi vikalp chunna chahte hai to aapko uske paas wala button dabana hota hai.

Slip Box -: Dusra hai Slip Box jisme se hamare Transition ki rasid niklti hai aur yah left side me hota hai. Jab bhi hum atm se paise nikalte hai to is box me se ek slip bhi nikalti hai. Yah slip aapke tab kaam aati hai jab aapne atm se paise nikale aur paise atm me atak gaye ya fir, paise kam niklte hai to aapko to aapko iske liye bank jana hota hai aur ese me bank walo ko aapko ya rasid dikhani hoti hai.

Keyboard -: Tisre number par keyboard ki bari aati hai is keyboard ki madad se aap kitna paisa nikalna chahte hai aur atm ka pin code yah sab aapko is keyboard ki madad se hi dalna hota hai. Isi keyboard ke niche ek box hota hai jisme se paisa bahar aata hai jab hum atm se paise nikalte hai.

Card Inserter -: 4th number par yah hai Aap upar image me dekh sakte hai. Card Inserter jo ki right side me hota hai Isme hame apna atm card dalna hota hai. Ab Machine me atm card kaise dalna hai iske bare me jaan lete hai.

ATM Machine me ATM Card kaise dale

ATM machine me card dalna to bahut hi aasan hai par ese bhi bahut sare log hai jo pahli baar atm use karte hai to unhe Atm machine me card dalne me pareshani hoti aur samajh nahi aata ki card kaise dale. Machine me aapko card ko sidha karke dalna hota hai Yani ki jo chupe hue number hai unhe niche rakhna hai aur card me jaha aapka naam likha hai usko upar rakhna hai. Aap upar image me dekhiye aapko thik isi tarah se card ko machine me dalna hai. Upar jo photo hai usme hum card insrter me apna atm card daal rahe hai jo ki sbi ka atm card hai dusre bank ke atm bhe ese hi hote hai bas color alag hota hai. To aapka jis bhi bank ka atm ho aapko isi tarah se apne card ko machine me dalna hota hai. ATM Card kaise dalna hai yah to humne sikh liya ab hum sabse jaruri baat karte hai ki ATM se paise kaise nikale to chaliye iske bare me jaan lete hai.

ATM Machine se paise kaise nikale Full Guide

Aap agar hamare bataye hue steps ko achche se follow karte hai to badi aasani se atm se paise nikalna sikh sakte hai.

1. Sabse pahle ATM me jaye aur apne ATM Card ko atm machine ke card inserter me dale. Aapko card sahi se dalna hai aur card dalne ke 4 se 5 second dale. Ab screen par aapko kuch options dekhnko mil jayenge. Kuch ATM me card andar chala jata hai to ese me aapko ghabrane ki jarurat nahi hai wah card paise nikaalne ke baad bahar aajata hai.
ATM card dale
2. Jab aap card ko bahar nikalte hai to uske baad atm ki screen par aapko kuch option dikhaye jate hai isme se ek option Banking ka hoga to aap banking ke option ke paas wala button daba kar ise chun lijiye. Agar atm me button nahi dikh rahe hai to aap us option ke upar apni ungli touch kare kyoki agar atm machine button nahi hai to wah screen touch hota hai.
Select Banking
3. Ab bhasha chunne ke liye bola jayega aap apni pasand ki koi bhi bhasha chun sakte hai. ATM se paise nikalne ke liye vaise english bhasha achchi rahti hai Isliye aap english language ko chune.
Select atm machine language
4. Bhasha chunne ke baad aaoko yaha kaha jayega Please Enter Your Pin Yani ki aapko apne atm card ka pin jo ki 4 number ka hota hai usko dalna hai aur yah pin Aapko bank se mil jata hai.
Enter atm pin
5. Iske baad aapke samne kuch new options hote hai Yaha hume atm se paise nikalne ke liye Cash Withdrawal is option ko chunna hoga isliye aap cash withdraw ka option dekh kar uske paas ka button daba kar cash withdrawal ka option select kare.
click cash withdrawal
6. Abhi aapse apna account chunne ke liye bola jayega yaha aapko 2 option dikhenge. From Current aur From Saving ya 2 option hote hai. Vaise to sabska saving account hi hota hai kyoki current account bade vyapariyo ka hota hai ye aap from saving ke paas wala button dabaye.
From saving
7. Now sabse jaruri chij aaoko Paise (Amount) dalna hai ki aao kitna paisa nikalna chahte hai. Aap keyboard ka upyog karke utne paise dale jitne aapko atm se nikalna hai. Maan lete hai ki hame 2000 rupye nikalna hai to pahle 2000 likhe aur fir Yes ka button dabaa dijiye jaisa ki aap niche is image me dekh sakte hai.
Enter Amount
Bingo ! Ab aapka paisa nikal jayega aur jab paisa nikal jaye to aap usko gin lijiye. Paise baraabar hai to achchi baat hai agar paise kam nikalte hai to jo slip paise ke sath niklegi usko sambhal kar rakhe. Isi slip se aapko paisa bank se wapas milega. Dosto kai baar atm me paise nahi hote hai to ese me aap kisi dusre atm me jaye.

ATM se paise nikalne ke baad kya kare

Paise lene ke baad aap keyboard par dekhe waha ek laal rang ka button hota hai aap usko 2 se 3 baar dabaye jisse aapka data atm se clear ho jata hai. Dosto ATM ke bare me yah jankari kaisi lagi hame jarur bataye aur agar aap atm ke bare me aur kuch janna chahte hai to hame bataye taki hum aapki madad kar sake Hum aapke liye esi post roj lekar aate rahenge isliye aap hamari website se jude rahe hum aapse kal aur new post ke sath milte hai. Agar ho sakte to jaldi se hamari website ko subscribe kare.

Post a Comment

2 Comments
* Please Don't Spam Here. All the Comments are Reviewed by Admin.