Friday, 26 October 2018

Google play store kaise khole ya chalu kare

Play store ki id bana kar play store kholna koi mushkil kaam nahi hota hai par bahut sare log ise samajh nahi pate hai ki play store kholne ke liye hame is par id nahi banani padti hai balki sirf apne gmail email id se sign karna hota hai. Play store google ne banaya hai isliye is par jo email hum upyog karte hai wah sirf gmail par hi hona chahiye aap koi aur platform par bana email upyog nahi kar sakte hai. Hum ab aapko play store kaise khole iske bare me puri detail se jankari de dete hai.
Play store kaise khole

Play store kaise khole ya chalu kare

Play store kholne ke liye aapko ek Email id ki jarurat hogi isliye hamne niche kuch steps bataye hai aap inhe follow kare. Taaki aapka play store khul sake.

1. Aapka sabse pahla kaam yahi hota hai ki internet ko apne mobile me chalu kare. Ab aapko apne mobile me play store app ko kholna hai jaise hi aap isi kholte hai yaha par green color ka sign in button hoga aap is par click kare. Ab loading hogi uske baad sign in ka page kuch is tarah se khulega. Yaha par aapko email id dalne ke liye bola jayega ab agar aapke paas gmail par bani hui email id hai to aap use yaha daliye nahi to create account par click kare.
Play store ki id kaise banaye
2. Ek new page open hoga yaha par aapko apna first name aur last name dalne ke liye bola jayega to vo aap daal kar next par click kare. Ab aap apna birthday aur gender (ladka ya ladki) jo bhi aap hai wah daal kar next par click kare. Abhi aapko new username create karna hoga aap username me apna naam bhi likh sakte hai par dhyan rahe ki aap username me space ka upyog nahi kar sakte hai. Aap bina space ke pura naam likhe aur iske sath me kuch number jaise 123 kuch bhi daal dijiye taki wah unique ho sake. Example ke liye mera username hai - vivekbairagi56. Aap is tarah se apna bhi username bana le aur aap ise yaad bhi rakhe. Abhi aapko password create karne ke liye bola jayega. Aap ek achcha sa password dale jo kam se kam 8 number ka to hona hi chahiye. Ek baar fir se password daal kar apna password confirm kare aur next par click kare.
Play store id banane ka form
3. Last me ab jo page khulega waha Yes i'm in button par click kare. Aage aapko play store ki privacy aur policy dikhai jayegi to aap I agree par click kare.
accept play store privacy policy
4. Finally aapki play store id to ban gayi hai aapko bas ek bar aur next par click karna hai. Iske baad thodi der loading hogi aur aapka play store khul jayega.
प्ले स्टोर कैसे चालू करे.
Aapka play store khul gaya hai to ab aapko play store se kuch bhi download karna hai to bas is app ko open kare aur isme wah app search kare jise aap download karna chahte hai. Maan lete hai ki hame whatsapp download karna hai to aap jaise hi apne phone ka play store kholte hai to aapko sabse upar ek search box dikhega isme aapko whatsapp likhna hai aur search karna hai isse aapke samne whatsapp aayega. Aapko yaha whatsapp par install ka option milga jis par click karke aap whatsapp ko apne phone me install kar sakte hai. Is tarah se aap google play store ko chalu kar sakte hai.

1. message nahi ja raha hai kya kare
2. call divert kaise hataye

Dekha dosto play store khol kar chalu karna kitna aasan hai. Aap yaha par koi bhi app, game kuch bhi search karke usko download kar sakte hai. Ab agar aapko play store kholne me kuch problem hoti hai to aap hame bataye taki hum aapki madad kar sake. Aaj ki post me itna hi agar post achcha laga to apne dosto ke sath share kare. Hamari website bhi jarur subscribe kare.

No comments:

Post a Comment