Mobile me Call Forwarding [Call divert] kaise hataye

Dosto jaisa ki humne aapko pahle bhi bataya hai ki Call divert ko hi call forward kaha jata hai isliye aap inke naam me confuse hone ki jarurat nahi hai dono ka kaam incoming call ko transfer karna hota hai. Dosto aap agar hamare blog ki post daily padhte hai to hum is feature ko activate karne ke bare me bata chuke hai. Aapko abhi tak nahi pata hai ki call divert activate kaise kare to pahle is post ko padh sakte hai.
Namskar dosto jab bhi hum mobile me koi setting on karte hai to kaam hone ke baad usko band bhi kar dete hai aur kuch settings mobile me esi hoti hai jise kaam ho jane ke baad off karna bahut jaruri hota hai. Is tarah ki settings me se ek call divert feature bhi hai Jisko kaam ho jane ke baad band karna jaruri hota hai aur agar aap esa nahi karte hai to aapki incoming calls transfer hoti rahti hai. 
Call divert kaise hataye
Ab agar aap apne mobile me call divert ka upyog kar rahe hai lekin ab isko band karna hai par aapko pata nahi hai ki call divert deactivate kaise kare to is post me hum aapko iski jankari dene wale hai Hum aapko Call divert deactivate karne ka sabse aasan tarika batane wale hai isliye is post ko pura padhe to chaliye ab hum call divert kaise hataye iske bare me jaan lete hai.

Mobile me Call divert kaise hataye in hindi

Apne kisi bhi phone fir wo jio ho ya keypad ya fir smartphone hi kyo na ho sabhi me call divert hatane ke 2 tarike hote hai. Isme se ek hota hai ussd code jiski madad se hum call divert remove kar sakte hai aur iske alawa dusra tarika yah hota hai ki hum apne mobile ki call setting me jakar hum call divert hata sakte hai. Chaliye sabse pahle hum aapko ussd code ki madad se call divert cancel karne ke bare me batate hai.

Call Divert remove ussd code

Pahli chij to aap yah bata dete hai ki yah code shayad kuch logo ke liye kaam nahi karenge isliye agar in codes se aapko koi madad nahi milti hai to aap manually call setting me jakar call divert remove kar sakte hai jiska tarika humne niche puri detail se bataya hai. Chaliye abhi to hum isko hatane ke ussd codes dekh lete hai.
  1. Sabse pahle aap apne mobile ke dialer me chale jaye taki hum ussd code dial kar sake.
  2. Ab alag - alag sim ke codes alag alag hai to aap apni sim ka code dial kare codes aapko niche dekhne ko mil jayenge.
  3. Jio users -: *413 is number par call kare aur Airtel users -: ##21# is code ka upyog kare.
  4. vodafone aur Idea ke liye -: ##21# yahi code hai jisse code divert remove kar sakte hai.
  5. Jab aap ussd code dial karke call karte gai to aapko call divert deactivated ka message aata hai.
Is tarah se aap call divert code ki madad se call divert apne phone se remove kar sakte hai. Ab agar yah code aapke liye kaam nahi karte hai to aap dusri mathod try kar sakte hai kyoki dusri mathod sabhi ke isme kaam karti hai humne iske bare me niche detail se bataya hai aap iske bare me aage padhe.

Call divert band karne ka tarika

Yah tarika sabhi mobile me lagbhag ek jaisa hota hai aapko bs apne mobile ki call settings me jana hota hai jaha par aapko call divert band karne ka otpion mil jata hai. Chaliye hum isko bhi achche se jaan lete hai taki manually bhi call divert band karne me hame koi pareshani nahi ho.

1. Aapko sabse pahle mobile ki call setting me jana hoga. Iske liye Aap sabse pahle apne mobile ki setting me chale jaye. Yaha par aapko phone setting ka option dhundhna hai aur usme jana hai. Phone setting ke option ke andar call setting ka option milega. Iske alawa aap chahe to mobile ke dialer ne jakar right side me 3 dots par click kare yaha se aap sidhe call setting me chale jate hai yah call setting me jane ka ek shortcut hai aap is tarah se bhi call setting me ja sakte hai.
Phone call settings par click kare
2. Call settings me jane ke baad agar aapke phone me 2bsim hai to aapko dono sim card dikhaye jate hai aap isme se wah sim chunna hai jisme aapko call divert band karna hai. Agar aap Sim 2 pse call divert ko hatana chahte hai to aap usko select kare. Iske baad aapke samne kuch option hote hai jisme se ek call forwarding ka option hota hai aap is par click kare. Ab aapko sabhi call divert ke option dekhne ko milte hai to aap 1st option Always Forward par click kare.
Call forawarding par click kare
3. Jab hum always forward par click kartevhai to hamare samne ek pop up khul jata hai Jisme hame turn off ka option dekhne ko mil jata hai. Is par click karke hum apne phone me call divert ko hone se rok sakte hai. Is tarah se aap manually bhi apne mobile se call divert hata sakte hai. Try karke dekhiye bada assan hai.
Call divert band kare
To dosto hum ummid karte hai ki aapko yah post achcha laga hoga. Ab agar kabhi aapko call divert band karna hoto aap hamare bataye hue tarike ka upyog kare is tarah se aasani se aapka kaam ho jayega.
Agar aapko call divert remove karne me koi bhi problem hoti hai to hame comment box me bataye taki aapki samsya ko hum thik kar sake. Dosto aaj ki post me itna hi aage bhi hum aapke liye ese hi post lekar aate rahenge aap bas isi tarah support banaye rakhe.

1 Comments

Previous Post Next Post