Latest Post

Saturday, 8 February 2020

Guys jaisa ki aapko pata hoga ki likee app bhi tiktok ki tarah hi hai. Pahle iska naam Like tha jise ab badal kar likee kar diya gaya hai. Is aap ke bhi caroro users hai jo roj short videos bana kar apna talent dikhate hai. Chaliye ab hum sidhe point ki baat karte hai ki aaj hum is post me kya janne wale hai. Hum aapko aaj yah batane wale hai ki aap kaise kisi bhi likee user ki videos ko without watermark ke download kar sakte hai.
like app videos download without watermark
Aaj jis trick ko hum batane wale hai wo koi fake trick nahi hai balki ek dum latest hai aur 100% work karti hai. Isliye aap yah post pura padhe isse aap likee app ki videos bina watermark ke download karna sikh jayenge.

Likee app videos without watermark download kaise kare

Pahle ek tarika tha jisme aap cache file ki madad se likee videos ko without watermark download kar sakte the par ab wah tarika sahi se kaam nahi karta hai isliye hum yaha ek new trick bata rahe hai jisme hum ek 3rd party app ki madad se likee app ki videos bina watermark ke download kar sakte hai. Aap niche bataye hue steps achche se follow kare.


1. Sabse pahle aapko ek app download karna hai jo aapki videos ko bina watermark ke download karne me madad karega. iska download link niche diya hai aap is par click karke is app ko apne phone me install kar sakte hai.

Download

2. Ab is app ko install karne ke baad open kare aur uske baad likee app ko open kare. Ab aapko jo video bina watermark ke download karna hai usko pura dekhe. Dhyan rahe ki aapko video ko pura dekhna hai.
3. Ab aap fir se likee video downloader app khol lijiye isme aapko wah video dikh jati hai jo aapne last baar likee app par puri dekhi thi.
like app videos download no watermark
Yaha se aap is video ko bina watermark ke download kar sakte hai. Aapko sirf video pe click karna hai isse video chalu ho jayega aur aapko right side me niche ki taraf ek button dikhega jaisa ki aap image me dekh sakte hai. Aap is button par click kare isse video bina watermark ke download ho kar aapke mobile me save ho jayegi.

App work nahi kare to kya karna hai.

Ab yah app aapke liye shayad 1 ya 2 din baad kaam nahi karega to ese me aapko likee app aur likee downloader app dono ka data clear karna hoga yani ki inhe fir se install karna hoga. Uske baad aapko upar bataye hue steps ko fir se karna hai jisse likee app ki koi bhi video bina watermark ke download ho jati. Agar aapke isme bhi app kaam karna band karde to aap is trick ki madad le sakte hai jisse ki app fir se kaam karna shuru kar dega.


Dosto yaha par humne aapko sari chije clear kardi hai. Agar aapko fir bhi is trick ko achche se samjhna hai to aap hamari is video ko bhi dekh sakte hai jisme humne puri detail se is process ko bataya hai.

Ab agar aapka koi sawaal hai to comment karke hame bataye taki hum aapki madad kar sake aur aapko hamara post kaisa laga jarur bataye. Ese hi poat roj padhne ke liye aap hamari website subscribe kar sakte hai taki aapko latest upadate ki jankari sabse pahle mil sake.

Saturday, 14 December 2019

Ek samay tha jab idea, vodafone aur Airtel ke sim sabse jyada upyog kiye jate the aur in networks ke users bahut sare the fir baad me jio aa gaya aur iski wajah se sab log jio ka upyog karne lage. Abhi bhi Airtel, vodafone aur Idea ke caroro (करोड़ो) users hai jo ki inhi ka sim chalate hai. Lekin kya aapko pata hai ki agar aap idea airtel ya fir vodafone ka sim lete hai to hamko pahle sim chalu karwana hota hai. Uske baad hi hum sim upyog kar sakte hai.
idea, Airtel, vodafone sim chalu kaise kare
Jab bhi hame koi sim chalu karwana hai to usko chalu karwane ki 3 wajah ho sakti hai. Jo kuch is tarah se hai. Agar aapka sim band ho jata hai to band sim chalu kaise kare iske bare me janna chahte hai to  iske liye hum ek post likh chuke hai jisme aapko koi bhi band sim chalu karne ke bare me jankari ho jayegi.
Aap upar diye link par click karke apne idea,airtel, vodafone ya koi bhi band sim ko chalu kar sakte hai.

Ab agar aap koi naya sim lete hai ya fir kisi aur company ke sim ko dusri company ke network me port karwate hai tab aapko apne sim ko activate karwana padhta hai aur ab esi situation me sim activate kaise karte hai iske bare me janne ke liye post ko pura padhe.

Airtel, Vodafone ya Idea Sim Chalu kaise kare

Pahle ke samay me nayaa sim aasani se chalu ho kata tha par ab sim verification online hota hai taaki koi bhi farzi Sim ka upyog na kar sake. Iske alawa Sim ko Aadhar card se link karwana hota hai jise E-KYC kaha jata hai. To aapne agar new sim liya hai ya fir usko port karwaya hai to aap niche bataye hue steps ko follow kare.
1. Aap sabse pahle to apni band airtel, idea, vodafone ya koi bhi sim jisko aap chalu karna chahte hai usko apne mobile me dale. Iske baad aap apne aas paas jo bhi sim bechta hai uski dukaan par chale jaye aur apne sath adhar card aur passport size ka photo bhi jarur lekar jaye.
sim shop
2. Ab wah dukaan wala sim ki E-KYC karega. isse aapki sim ka online verification ho jata hai aur company ko yah pata chal jata hai ki yah sim kis vyakti ke naam par hai. Taki koi bhi farzi sim nahi chala sake.

3. Ab wah dukaan wala aapse aapka adhar card aur photo mangega kyoki usko aapke adhar card ke number ki jarurat padti hai. Jab wah adhar card number dalta hai to ek otp Message adhar card se linked number par aata hai. Jisko aap dukaandaar ko bata de. Uske baad wah aapka Thumb (Angutha) Scan karta hai. Fir aapki sari details aur verification complete ho jati hai. Iske baad aapko kuch samay ke liye intezaar karna hota hai.
thumb scan for sim card
Thode samay ke baad aapki sim chalu ho jati hai agar aap nayi sim lete hai to wah chalu ho jati hai aur agar aapne sim port karwai thi to aapko ek new sim di jati hai aur usme usme aapko ek recharge karke dukaan wala de deta hai aur iske liye wah aapse 100 rupee le sakta hai to wah aap usko de sakte hai uske baad aapki sim kuch hi ghante me chalu ho jayegi.


Dosto ab agar aap naya idea, Airtel, Vodafone ya koi bhi sim lene wale hai to aap sim lene ke baad usko hamare bataye hue tarike se Activate karwale taki aapka sim chalu ho jaye. Aap isi tarah se apne dusre sim jo aap naye lete hai unko bhi chalu kar sakte hai. Ab aap hame bataye ki aapko hamara yah post kaisa laga agar post achcha laga hai to jaldi se hamari website subscribe kare taki aapko esi hi jankari ham sabse pahle de sake.

Sunday, 1 December 2019

Hame hamesha mobile me kuch na kuch problem aati rahti hai. Unhi me ek problem message ka nahi jana hota hai. Is samsya me agar hum apne phone se kisi ko message bhejte hai to message nahi jata hai aur error ya fir message not sent likha aata hai. Message nahi jane ki yah problem bahut sare logo ko hoti rahti hai. Lekin hum ise badi aasani se thik kar sakte hai.
Message serive center number
Message nahi jana yah mobile se related ek normal problem hai iske bahut sare kaaran ho sakte hai. Hum iske upar pahle bhi ek post likh chuke hai jise aap padh sakte hai.
Message nahi ja raha hai to kya kare
Ab message na jane ka sabse bada kaaran hota hai Message service center number. Yah sabse badi problem hoti hai aur iski wajah se message hum kisi ko bhej nahi pate hai. Bahut baar message service center ke number hum galat daal dete hai ya unhe delete kar dete hai to message jana band ho jata hai. Isliye hum aapko is post me sabhi sim ke message service number to denge aur usi ke sath batane wale hai ki aap in number ko kaise mobile me add kar sakte hai.

Message Service Center Number 2019 - 2020

Message service center numbers ki new updated list hum aapke sath share kar rahe hai. Yaha hum sabhi networks ke numbers aapko de rahe hai.
Number Network
+919846000040 Vodafone
+917010075009 Jio
+919440099997 BSNL
+919847099996Idea
+919084051550 Telenor/Uninor
+919032055002 Tata Docomo
+919020000500 Reliance
+919895051914 Airtel
+919809099060 Aircel
Ab ye to thi Message service center number ki list par ise hume upyog kaise karna hai iske baare me ab hum janne wale hai.


1. Sabse pahle aapko apne mobile ke dialer ko kholna hai aur ek ussd code dial karna hota hai jo hamne yaha par bataya hai.

*#*#4636#*#*

2. Ab jab aap is code ko dial karke is par call karte hai to aapko kuch option dikhaye jate hai. Isme se aapko sabse pahla option phone Information select karna hai.
Phone Information
3. Iske andar aapko bahut saare option dikhte hai jisme se ek SMSC ka option hota hai. Jaha par aapko apni sim ke Message Service center number dalna hai jo aapne upar se copy kiye the. Fir last me update par click kar dena hai.
update message service center number
Dosto finally saari process ho chuki hai. Agar aapko message nahi jane wali problem ho rahi thi to wah ise karne ke baad thik ho jayegi. Ek baat dhyan rakhe ki aapko message service center number sahi dalna hai agar aapki airtel ki sim hai to airtel ke number use kare kisi aur network ke number nahi. Agar aap esa karte hai to aapki samasya thik nahi hoti hai.


Dosto Aap in codes ka upyog karke bahut aasani se message nahi jane wali is problem ko khatam kar sakte hai. Iske baad aapke phone se message jane lag jate hai aur agar fir bhi koi problem aati hai to aap comment karke hame bataye taki hum aapki madad kar sake. Aaj ka post hum yahi par khatam karte hai agar aapko hamara post achcha laga hai to aap ise share kar sakte hai.

Friday, 8 November 2019

Mobile me hame esi bahut sari suvidha milti hai jinke bare me hame nahi pata hota hai. Jaise ki bahut kam log jante hai ki Bluetooth ki madad se bhi internet share kiya ja sakta hai. Jab hamara net khatm ho jata hai aur hamko aur internet chalana hota hai to hotspot ki madad se dusre mobile ka internet data use karte hai. Ab lekin aapne kabhi yah socha hai ki agar aapke mobile me internet data khatam ho jaye aur dusre mobile me hotspot na ho par internet ho to ese me aap us mobile ka internet bluetooth ki madad se upyog kar sakte hai. Bluetooth bhi hotspot ki tarah kaam kar sakta hai.
Bluetooth se internet share kaise kare
Kuch saalo pahle hame hotspot ka option dekhne ko nahi milta tha aur agar hota bhi tha to sirf mahnge mobile me dekhne ko milta tha aur tab internet ko share karne ke bluetooth ka upyog hota tha jaisa ki aaj hotspot ka upyog karte hai. Chaliye ab hum bluetooth se internet share kaise kare iske baare me jaan lete hai.

Bluetooth se internet share kaise karte hai

1. Sabse pahle aapko dusre mobile yani ki jis mobile ka internet upyog karna hai uski setting me chale jaye. Isme aapko More settings ya fir internet connection ka option milta hai is par click kare. Isme aapko Bluetooth tethering ka option dekhne ko milta hai aap ise on kare. Ise on karne ke baad hume Bluetooth se internet share karne ki permission milti hai.
bluetooth tethering
2. Bluetooth tethering on karne ke baad aap is mobile me bluetooth ko bhi on kare. kyoki bluetooth ki madad se hame dusre mobile me internet ka upyog karna hai.
on bluetooth
3. Ab aap dusre mobile ko le lijiye jisme aapko internet chalana hai. Fir isme Bluetooth on kare. Yaha aapko + pair new device par click kare. Ab aapke aas paas jitne bhi device hai jinka bluetooth on hai unke naam available device me dikhte hai. Yaha se aapko wah device par click karna hai jiska internet use karna hai.
Pair new device
4. Ab jaise hi aap us mobile ke naam par click karte hai to aapke samne dono phones me niche image ki tarah screen hogi jisme aapko device pair karna hota hai to aap simlpy dono mobile me pair par click kare.
Pair devices
5. Ab pahle device me jab aap paired par click karte hai to aapke samne ek aur pop-up aata hai jisme aapko internet access ka option dekhne ko milta hai to ise tick karke ok par click kare. Ab aapke dono devices puri tarah connect ho jate hai.
Access Internet view bluetooth
Boom ! Ab aap internet chalane ke liye puri tarah se teyar hai. Jab aap in sabhi steps ko achche se karte hai to uske baad aap bluetooth se internet share kar sakte hai. Ek baat yaad rakhe ki jab aapki mobile ka internet bluetooth se share kar rahe hai to us mobile ka internet bhi chalu ho. Nahi to aapke phone me bhi internet nahi chalega.


Ab to aapko samajh me aa chuka hoga ki bluetooth se internet share kaise kare. Bluetooth ko hum is tarah se hotspot ki tarah use kar kar sakte hai aur isi tarah se bluetooth se internet share kiya jata hai. Dosto hum ummid karte hai aapko yah trick achcha laga hoga. Ab agar post pasand aaya hai to website ko subscribe karo taki aapko latest update sabse pahle mil sake. 

Thursday, 26 September 2019

Facebook jo ki bahut purana aur bahut bada social network hai. Facebook par hame bahut sare features dekhne ko milte hai jiske bare me jyada tar logo ko nahi pata hota hai. Aaj hum aapko facebook ke ek feature ke bare me batane wale hai jiski madad se aap aasani se kisi bhi par facebook me color full comment kar sakte hai Hum aapko is post me fb par color comment kaise kare iske bare me batane wale hai.
facebook me colorfull comment kaise kare
Facebook me colorfull comment karne ke liye hame facebook ne kuch code uplabdh karwaye hai inhe fb color code kahte hai. FB color code se na sirf colorfull comment kar sakte hai balki aap colorfull text, messages aur status likh sakte hai. Chaliye ab hum is trick ke bare me jaan lete hai.

Fb par color comment ya Facebook me colorfull comment kaise kare.

Fb par color comment karne ke liye hame fb color code ka istemaal karna hota hai to in color code ki puri list hum pahle hi ek post me de chuke hai to fb color code ki list aap is link par click karke dekh sakte hai.
Aap is link par click kakre sabse pahle to apni pasand ka koi bhi color code copy kar lijiye. Chaliye Ab hum facebook me colorfull comment karne ke bare me janenge uske liye aap niche bataye hue steps follow kare.

1. Sabse pahle aap apna facebook account Facebook lite app me khole kyoki yah trick sirf facebook lite me kaam karti hai. Agar aapke paas facebook lite app nahi hai to aap ise play store se nahi to yaha se bhi download kar sakte hai.

Download

2. Apna Facebook account lite app me kholne ke ke baad aap kisi post ya photo par click kare jis par aapko colorfull comment karna hai.


3. Ab maan lete hai ki hame blue color me kisi ke photo par comment karna hai to iske liye aap blue color ke fb color code ko upar diye gaye link se copy kare aur fb par color comment karne karne ke liye aap is image me bataye tarike se comment kare. Yani ki pahle code likhe fir apna comment likhe.
Fb me color comment kaise kare

<fg=b00000ff>Nice Picture

4. yaha par aap nice picture ki jagah kuch bhi likh sakte hai aur comment kar sakte hai isse facebook me colorfull comment hogi joki blue colour me hogi kykoki hamne blue color code upyog kiya hai. Aap apni pasand ka koi bhi color code upyog karke dusre color ki bhi comment facebook par kar sakte hai.
Note -: Hum ek baar fir se aapko bataa dete hai ki yah code sirf facebook lite app me kaam karte hai yani ki aapki comment colorfull unhi logo ko dikhegi jo facebook lite app me facebook chalate ho. Agar koi bhi vyakti facebook browser me use karta hai to usko comment colorful nahi dikhegi balki black color ki dikhegi.
Dosto aap is tarah se facebook lite me colourfull comment kar sakte hai. Ab hum aasha karte hai ki aapko samajh aa gaya hoga ki facebook me colorfull comment kaise kare agar aapko fir bhi koi problem hai aur nahi samajh aa raha ki fb par color comment kaise karna hai to hame bataye hum aapki madad karenge. Aapko fir se ek baat bata dete hai ki yah color full comment jo aap kisi ki post par karte hai unhe bhi tabhi colorfull dikhegi agar wo facebook lite me facebook ka upyog karte hai. Nahi to black color ka hi comment dikhega. Iska karan yahi hai ki fb color code sirf facebook lite me support karte hai. Chaliye ab aap bhi is trick ko jarur try kare aur apne dosto ko impress kare. Ese Post roj padhne ke liye abhi hamari website ko subscribe kare.

Friday, 13 September 2019

Hy Guys, aaj hamari post mobile se related hone wali hai. Jab bhi koi vyakti aapka phone leta hai usse call karta hai to yah bahut saare logo ko pasand nahi hota hai. Iske alawa agar aap mobile ka upyog karke computer chala rahe hai aur ese me call aati hai to aapka net disconnect ho jata hai jise hame fir se connect karna padta hai.
Incoming call band kaise kare
To ese me aap apne phone ki incoming call band kar sakte hai. Iske baad agar koi bhi vyakti aapke phone se call karega to call nahi lagega. Aap incoming call ka matlab to jante honge agar nahi jante hai to koi baat nahi hum aapko bata dete hai. Call 2 tarah ki hoti hai ek to wo jo hum kisi ko call lagate hai jise outgoing call kahte hai. Iske baad dusri wah jo hamare paas aati hai jise Incoming call kahte hai. Ab aaj hum Incomnig call band karne ke bare me baat karne wale hai.

Incoming Call band kaise kare

Incoming call ko hatane ke liye hame mobile me ek feature milta hai jise call barring kahte hai. Call Barring ek esi call setting hoti hai jiski madad se apne mobile me aane wali incoming call hum aasani se band kar sakte hai.  Iske alawa aap ek apps ki madad se bhi ise badi aasani se incoming call off kar sakte hai. Hum aapko in dono tariko se incoming call ko band karne ke bare me batane wale hai. Sabse pahle hum call Barring wali mathod dekhenge.

Call Barring ki madad se Incoming call band kaise kare.

Call Barring mobile me di gayi ek call setting hoti hai. Aap iski madad se apne phone ki incoming call aur outgoing call dono ko aasani se band kar sakte hai. Jaisa ki mobile me call forwarding ka option hota hai bilkul viase hi Call Barring bhi ek option hota hai. Chaliye abhi hum aapko batate hai ki call barring ki madad se apni sim ki incoming call band kaise karte hai.

1. Aapko call band karne ke liye apne mobile me call settings me jana hota hai. Call setting me jane ke liye aap apne mobile ka dial pad khole aur yaha par jo 3 dots hai us par click kare. Yaha par aapko Call setting ka option milta hai usko select kare. Agar aapko dialpad me yah option nahi milta hai to aap sidhe apne mobile ki main setting me jaye yaha par aapko phone settings ke andar call setting ka option mil jayega.
call setting par click kare
2. Call settings me jane ke baad aapko bahut sari settings mil jayegi jisme se ek call barring ki bhi setting hogi. hume is call barring ke option par click karna hai.
Call Barring par click kare
3. Call Barring ke sabhi option aapke samne honge. In options me se aapko All Incoming call ke option ko tick mark karna hai.
disable incoming calls
5. Jaise hi aap is option ko tick karte hai to aapko call barring ke password puche jate hai jo ki logo ko pata nahi hote hai. Hum aapko bata dete hai ki mobile ka defaut password hota hai wahi call barring ka password hota hai. Jaise ki nokia ka default password 1234 hota hai Aap password me 1234 ya 0000 try karke dekhe. Agar aapko apne mobile ka default paasword nahi pata hai to aap google par iske bare me search kare aapko call barring ya apne mobile ka defaut password mil jayega.

6. Paasword daal kar aapko ok karna hota hai iske baad me aapke phone ki sabhi incoming call band kar di jati hai. Ab jab bhi aapko koi call karta hai to call nahi kar sakega. Agar aap ise fir se thik karna chahte hai to aapko is option ko waapas untick karna hota hai. Isse aapke phone me fir se incoming call ko chalu kar diya jata hai.

Ab bahut sare mobile me call barring kaam nahi karti hai to isliye aap incoming call ko band karne ke liye Call Blocking app ka upyog kar sakte hai chaliye iske bare me jante hai.

Call blocker se incoming call band kaise kare

Ab agar aapke isme call barring ka option nahi aata hai ya fir aapko call barring password nahi milte hai to ese me aap ek 3rd party app jiska naam call blocker hai iski madad se bhi incoming call band kar sakte hai. Aapko bahut sare call blocker app dekhne ko mil jayenge lekin hum aapko ek bhadiya call blocker app ke bare me batane wale hai.

1. Aapko call blocker app ko download karna hoga ise aap play store se download kar sakte aap niche download button par click karke ise aasani se download kar sakte hai.

2. Download hone ke baad is app ko open kare yah aapse permission mangega to Aap Allow kare.
click on blocking option
3. Ab aapko is app me 4 options dikhte hai aap isme se pahle wale yani ki blocking ke option par click kare aur ise switch on kare. Isme aapko All calls ke option ko tick karna hai. Ab aapke phone me incoming call block ho jayegi. agar koi bhi aapko call karta hai to call nahi lagega. Is app ki madad se incoming call band karna bahut aasan hai.
enable blocking and tick all calls
Is app me aap selected number, unknown numbers ya fir sirf company ke number ko hi block kar sakte hai. Isme aapko kai sare features dekhne ko milte hai.

Dosto is tarah se incoming call band hoti hai. Aap koi bhi incoming call block kar sakte hai. Ab aap bhi agar aane wali call band, block karna chahte hai to kar hamare bataye hue is trick ki madad se aasani se kar sakte hai. Aapko kahi par bhi koi problem hoti hai to aap hame bata sakte hai hum aapki waha par madad karenge. To aaj ka post yahi par khatam karte hai agar aapko yah post pasand aaya hai to apne dosto ke sath share kare. Roj kuch naya sikhne ke liye abhi hamari website subscribe kare.

Tuesday, 10 September 2019

Agar aap apne mobile me shuru se caller tune lagana pasand karte hai to aapko wah samay bhi yaad hoga ki jab hum apne phone me caller tune lagate the to uske liye hame paise dena padte the aur iska charge har mahine lagbhag 30 se 40 rupee tak hota tha. Fir kuch samay pahle Jio aaya jisne sab kuch badal diya kyoki yah apne users ko free me caller tune set karne deta tha aur isi ke chalte dusre kai sare telecom network ne bhi yah suvidha chalu kardi aur ab hame caller tune ki suvidha free me mil rahi hai.
vodafone caller tune set kaise kare
Ab agar aap vodafone ki sim chalate hai to aaj hum aapke liye kuch esi tricks lekar aaye hai jiski madad se aap badi aasani se free me vodafone caller tune set kar sakte hai ya laga sakte hai. Chaliye hum aapko detail se batate hai ki vodafone caller tune kaise lagaye aur iske liye aapko kya karna hoga.

Vodafone caller tune set kaise kare in hindi

Vodafone caller tune ko set karne ki process janne se pahle hum aapko yah baat bata dete hai ki vodafone me caller tune lagane ka sirf ek tarika nahi hota hai iske kai sare tarike hai. Hum yaha par aapko message ke jariye kaise vodafone sim par caller tune set ki jati hai iske bare me batane wale hai kyoki yah tarika bahut aasan hai aur sabhi ke 100% kaam karta hai. To chaliye dosto vodafone caller tune set kaise kare iske bare me jaan lete hai.

Vodafone Caller Tune band kaise kare

#Trick 1.) Vodafone Caller tune kaise lagaye

Is trick me aapko apni us vodafone ki sim se message bhejna hota hai jis par aapko caller tune lagana hota hai aapko bas niche bataye hue steps ko follow karna hoga aur vodafone caller tune set ho jayegi.

1. Sabse pahle to aapko niche diye hue link par click karna hai kyoki is link ko kholne ke baad aapko bahut sare gaane ke code mite hai.

Vodafone Caller Tunes


2. Ab jaise hi link kholte hai yaha par aapko apna vodafone number daal kar log in karna hota hai aur uske baad aapko bahut saare caller tune codes milte hai isme se aap apni pasand ke gaane ka code copy kare.

3. Iske baad aapko mobile me message app ko kholna hai. kyoki ab hame vodafone company ko ek message bhejna hoga fir jakar wo log aapki vodafone sim me caller tune ko activate karenge.

4. Aapko 56789 is number par likhna wo code send karna hai jo aapne copy kiya tha. Agar aapko message bhejna nahi aata to aap is post ko padhe isme aapko mobile se message bhejne ki puri jankari mil jayegi.

Message kaise bheje

Maan lete hai ki hum apne vodafone par ek gaane ka caller tune active kar rahe hai jiska code yah hai.

CT 8065910

To ab is code ko hame vodafone sim se 56789 par bhejna hoga jisse vodafone caller tune set ho jati hai. Aap niche image ko dekh kar aasani se samajh sakte hai. Is tarah se aap apni marji k gaane ka code bhej dijiye wah gaana aapke caller tune me lag jata hai.
Vodafone caller tune activated

#Trick 2.) Free DND caller tune vodafone me kaise lagaye

Vodafone me aapko yah bhi suvidha milti hai agar aapko apni caller tune me Please whatsapp aur message me ki tune set karna hai to yah bhi aap free me kar sakte hai. Isme aapko 2 option milte hai aap chahe to ise english me bhi laga sakte hai aur hindi me bhi laga sakte hai. Isko karne ke liye aap niche bataye hue steps ko follow kare.

1. Sabse pahle aapko message box kholna hai kyoki hame ek message send karna hai vodafone company ko isliye aap message box khole aur new message type kare.

2. Ab message me aapko niche bataye hue code me se koi ek likhna hai. Uske baad ise 56789 is number par vodafone sim se send karna hai.

CT 8894702 For english
CT 8894716 For hindi

Aap agar engish me yah caller tune chahte hai to upar ka code aur agar hindi me chahte hai to niche wala code 56789 par likh kar bheje. Ab aapki vodafone sim par whatsapp wali vodafone caller tune set ho jayegi.


Humne jitne bhi tarike bataye hai aap inhe try jarur kare iske baad aapke phone me vodafone caller tune set ho jayegi aur iske liye aapko koi paise bhi nahi dena hote hai. To dosto yah thi vodafone me caller tune lagane ke bare me jankari jo aapko achchi lagi hogi. Agar abhi bhi aapke paas isse related ko sawaal hai to hame jarur bataye hum aapki sahayata karenge. Aapko hamara post kaisa laga aap hame comment karke jarur bataye aur agar post achcha lage to ise share jarur kare hum aage bhi aapke liye ese hi achche achche post lekar aate rahenge.